Josper爐可作炭燒及烤焗，配上韓國炭，入口陣陣炭燒香。 

常餐以外

新　海鮮【法式烤本地野生海魚】Le Port Parfumé 地址：中環九如坊 6至 10號 C鋪 電話： 2824 3898

西菜的海鮮多用入口貨， Le Port Parfumé卻唱反調主打本地野生海鮮！曾開設 Piccolo Pizzeria及 Bistro Du Vin的 Randy，見香港人最愛吃海鮮，今次開店以法式海鮮小酒館為主題。店名為法文，直譯為「芳香的港口」，即是香港。還記得香港未成為金融中心前，不正正就是漁村嗎？

Randy堅持採用本地新鮮貨，每天清晨有專人在香港仔魚市場，搜羅最靚最生猛的野生海鮮，供應的款式每日不同，有時供應哨牙青衣、青龍蝦，視乎當天的收穫。他說：「我們試食過野生及養殖的黃腳鱲，野生的在深海生活，比養殖的肥美得多。即使由外國進口的法國青口、北海道帶子，都要選擇冰鮮而非急凍。唯一缺點是天氣很影響收穫，一凍魚獲會較少，有時漁民寧願留俾自己都唔賣，就像赤米蝦則不是日日有售。」
餐廳靈感源自法國及西班牙邊界的 Basque地區，沿用當地煮法， Randy由西班牙引入 Josper炭火烤爐，這個價值十萬的烤爐，可以維持四百度高溫。用 Le Creuset鑊仔放入爐內烤焗，令海鮮有炭味及煙熏香，經短時間高溫烹調，封鎖海鮮水分及原味，吃起來特別鮮甜。調味偏向簡單清新，海蝦以小量香草醬爆香，香煎帶子加少許雲呢拿籽，像畫龍點睛。煮法多元化，比起一味白烚或香煎更有特色。

炭爐烤絲鱲時價（約$280-$300）魚種經常轉換，有青衣、紅雞等，腩位釀入檸檬及茴香，焗時保留魚皮，保持魚肉滑溜。 

炭爐烤中蝦$180中蝦加上羅勒、松子仁、蒜頭等製成的香草醬放入鑊仔炒香，蝦殼都入味。 

炭爐烤本地龍蝦時價（約$380-$400）青龍蝦產量極少，肉質甜而彈牙，只需放入炭爐燒數分鐘即成，配上新鮮薄荷葉、刁草等香草，味道清新。

店內有不少跟海洋有關的古董裝飾品，如水泡、漁船模型、水手服等。 

有不少法國的舊相片及雜誌，富有地道色彩。 

餐牌及酒牌全寫在黑板上，除了葡萄酒，亦有多款罕見的威士忌。

(繼續閱讀...)